Jada Pinkett Smith ka zbuluar se ajo dhe bashkëshorti Will Smith kanë jetuar “jetë komplet të ndara” që nga viti 2016.
Në një video të shkurtër që më vonë do të transmetohet e plotë në NBC News, Pinkett Smith ka thënë se çifti nuk ka dalë publikisht për ndarjen sepse nuk ishte ende gati.
Ata ende “ishin duke u përpjekur të kuptonin gjërat mes vete, si të ishin në marrëdhënie”.
“Si t’ua paraqesim këtë njerëzve”, ka shtuar ajo.
Ajo dhe Smith janë të martuar që në vitin 1997. Pinkett Smith ka deklaruar se ata nuk janë shkurorëzuar ligjërisht.
Në korrik 2020, këngëtari August Alsina pati zbuluar se ishte përfshirë në lidhje dashurie me Pinkett Smithin, të cilën ajo e konfirmoi.
