Ndeshja finale e basketbollisteve të Francës e SHBA-së ishte e fundit në Lojërat Olimpike “Parisi 2024”.
Të dielën pasdite në “Bercy”, në atmosferë të zjarrtë, SHBA-ja fitoi ndaj Francës me rezultat 67:66 dhe siguroi të artën e fundit nga Lojërat e Parisit.
Ndeshja ishte shumë e fortë dhe thuajse e barabartë nga fillimi e deri në fund.
Por amerikanet ishin më të koncentruara në fund dhe shënuan fitore.
Ndeshja u vendos në aksionin e fundit.
Basketbollistet e SHBA-së kanë fituar të artën olimpike për herë të dhjetë. Kanë dështuar vetëm në vitin 1992 në Barcelonë, kur fituan medaljen e bronztë.
Medaljen e bronztë e fitoi Australia që fitoi 85:81 ndaj Belgjikës, më herët të dielën.
Me ndeshjen Francë – SHBA kanë përfunduar garat në Lojërat e Parisit, që po vlerësohen shumë të mira.
