Reagojnë Mascherano e Messi, e quajnë “cirk” atë që ndodhi në ndeshjen me Marokun

Pasi Argjentina e humbi ndeshjen e parë në turneun olimpik në Paris nga Maroku, kanë reaguar trajneri i Argjentinës, Javier Mascherano, si dhe ylli i Argjentinës në futboll, Lionel Messi. 

Argjentina mendoi se mori një pikë nga ky ballafaqim kur shënoi gol në minutën e 16-të të kohës shtesë. 

Por, goli u anulua pas rishikimit të situatës në VAR, ndërsa ndeshja rifilloi pas dy orësh kur u zhvilluan pak më shumë se tre minuta. 

Argjentina nuk arriti që ta barazonte rezultatin dhe u mposht 2:1. 
“Është cirku më i madh që e kam parë në jetën time”, ka thënë trajneri i Argjentinës, Mascherano. 

Ndërkohë, Messi, e ka quajtur gjithë këtë situatë si të “pabesueshme”.