Garuesi i Polonisë në kërcim së larti, Norbert Kobielski, është suspenduar përkohësisht për doping, pak ditë para fillimit të Lojërave Olimpike të Parisit.
Këtë e bëri të ditur Njësia e Integritetit të Atletikës.
27-vjeçari, që ka rekord personal prej 2.33 metra, ishte i dhjeti në Botërorin e kaluar dhe i gjashti në Evropian në Romë, muajin e kaluar.
Kobielski është larguar nga delegacioni olimpik i Polonisë në Paris. Ai doli pozitiv në testimin për “pentedrone”.
