Daniel Dubois shkatërron Joshuan

Duboisi pasi shkatërroi Joshuan: Jam gladiator

Boksieri britanik, Daniel Dubois, e ka quajtur veten gladiator pasi shkatërroi ish-kampionin Anthony Joshua.

“A jeni argëtuar?” pyeti Dubois tifozët në “Wembley” fillimisht para se të merrte mbështetjen e tyre. “Jam një gladiator”, shtoi ai.

“Ishte një rrugë e gjatë, jam i lumtur që jam në këtë pozitë. Dua të jem në majë të sportit, Zoti ju bekoftë të gjithëve. E falënderoj familjen time dhe ekipin që më ndihmoi të jem i gatshëm sonte. Është  koha ime, nuk do të ndalem pa shfaqur gjithë potencialin tim”, u shpreh më tej Dubois.
 

Daniel Dubois shkatërron Joshuan

Daniel Dubois i ka shkaktuar humbje shumë të rëndë yllit të boksit, Anthony Joshua.

Dubois e rrëzoi Joshuan në raundin e parë, ndërsa e dominoi luftën edhe në raundin e dytë. Joshua u rrëzua edhe në raundin e tretë, kurse meçit i erdhi fundi në raundin e pestë.

Dubois ka shkëlqyer duke ia shkaktuar Joshuas njërën prej humbjeve më të rënda në karrierë. 

Dubois mbrojti titullin e botës në versionin IBF.

Vazhdojnë vuajtjet e Joshuas, Dubois i pandalshëm

Joshua po vuan shumë në meçin ndaj Dubois, që ishte autsajder total.

Edhe raundi i katërt është dominuar plotësisht nga Dubois.

Sërish rrëzohet Joshua

Joshua është rrëzuar edhe në raundin e tretë. Sërish e ka shpëtuar gongu.

Gjyqtari i numëroi, por Joshua megjithatë vazhdon.

Joshua i mbijeton edhe raundit të dytë

Dubois nisi furishëm edhe raundin e dytë duke vënë në vështirësi Joshuan. Por gradualisht Joshua u stabilizua, ndonëse dominimi i Dubois vazhdon.

Gjunjëzohet Joshua që në raundin e parë

Daniel Dubois ka rrëzuar Anthony Joshuan që në raundin e parë të luftës në Wembley.

Përfundimi i raundit është dukur se e shpëtoi Joshuan.