-
Përktheu:
Vita Abrashi-Kajtazi
- 29 prill 2025 15:15
- Shpërndaje në:
Në studimi i ri, i pari i këtij lloji, ka sugjeruar se konsumimi me masë i shampanjës, konsumimi më i madh i frutave, ruajtja e peshës trupore dhe qasja pozitive ndaj jetës mund të ndihmojnë në uljen e rrezikut nga ndalja e papritur e zemrës (SCA), ka raportuar The Guardian.
Çfarë është arresti kardiak?
Arresti kardiak ndodh kur zemra papritmas pushon së pompuari gjak. Pa trajtim të menjëhershëm, si reanimacioni kardiopulmonar (CPR), kjo gjendje është fatale.
Studimi ka përfshirë më shumë se 500,000 njerëz nga baza e të dhënave "UK Biobank". Gjatë një periudhe mesatare prej 14 vjetësh, 3,147 prej tyre patën arrest kardiak.
Çfarë gjetën studiuesit?
Studiuesit kanë identifikuar 56 faktorë të ndryshëm joklinikë që lidhen me rrezikun për arrest kardiak, duke përfshirë stilin e jetesës, statusin socio-ekonomik, shëndetin mendor, ambientin dhe ushqimin.
Faktorët mbrojtës që dolën më të rëndësishmit përfshijnë:
-Konsumi i shpeshtë i frutave
-Humori pozitiv
-Peshë e shëndetshme trupore dhe mbajtja nën kontroll e presionit të gjakut
-Arsimim më i lartë
-Konsumimi me masë i shampanjës dhe verës së bardhë
Sipas analizave, nëse eliminohen 1/3 e faktorëve më të dëmshëm, mund të parandalohen deri në 40% të rasteve të arrestit kardiak. Nëse shmangen 2/3 e tyre, kjo shifër mund të shkojë në 63%.
A është shampanja më e mirë se vera e kuqe?
Në editorialin që shoqëron studimin e publikuar në Canadian Journal of Cardiology, thuhet se efekti mbrojtës i shampanjës dhe verës së bardhë sfidon bindjen tradicionale që vetëm vera e kuqe është e mirë për zemrën.
Megjithatë, mekanizmat biologjikë mbeten të paqartë, dhe studiuesit kërkojnë më shumë studime për të kuptuar pse këto pije mund të jenë të dobishme në mënyrë të moderuar.
Kujdes: Kjo nuk është nxitje për të pirë
Ekspertët theksojnë se këto gjetje nuk duhet interpretuar si inkurajim për konsum të rregullt të alkoolit. Britanikja Heart Foundation përkujton se ulja e rrezikut nga arresti kardiak kërkon:
-kufizim të konsumimit të alkoolit
-ndalimin e duhanit
-aktivitet të rregullt fizik
-ushqim të shëndetshëm
-ndjekje të trajtimeve dhe medikamenteve të përshkruara nga mjeku
Ekspertët që analizuan studimin kanë theksuar gjithashtu se arresti kardiak është një gjendje e ndërlikuar, ku ndërthuren faktorë gjenetikë, mjekësorë dhe jetësorë. Prandaj, kalimi nga trajtimi te parandalimi është sfidues, edhe pse shumë i domosdoshëm për sistemet shëndetësore.
