Materialet si kadifeja, sateni, dhe ato të punuar me sedefe po kryesojnë trendët e fustaneve të fundvit, raporton FemaleFirst.
Fustanet për ngjarjet festive janë esenciale kur bëhet fjalë për sezonin dimëror. Pavarësisht se cila është natyra e ngjarjeve që do të frekuentoni, dikush do të dojë të duket bukur duke zgjedhur në mes trendëve të sivjetme që sipas njohësve të fushës janë të shumtë.
Fustani që kryeson trendët është ai nga material me sedefe me shkëlqim.
Joshja nga sedefet qëndron në aftësinë e tyre për të kapur dhe reflektuar dritën, duke krijuar një efekt verbues. Këtë dimër, ngjyrat e popullarizuara për fustanet me sedefe përfshijnë të zezën klasike dhe nuancat e guximshme si të kuqet e thella dhe kaltra për të pasur një dukje moderne.
Fustanet mini dhe forma e jakës sikur shkronja V janë në krye të trendëve te fustanet me sedefe, duke treguar një estetikë moderne e të sofistikuar.
Trend tjetër i popullarizuar janë fustanet nga kadifeja dhe sateni të cilat paraqesin një zgjedhje që duket luksoze për festimet dimërore. Tekstura e butë dhe kadifeja siguron ngrohtësi, duke e bërë atë një pëlhurë ideale për muajt më të ftohtë. Këtë sezon, fustanet kadife vijnë në një paletë me ngjyra të pasura, duke përfshirë tonet e xhevahireve si e gjelbër me nuancë smeraldi, e kaltër safir dhe vishnje e thellë.
Eleganca është parësore në botën e fustaneve kadife dhe stilistët po favorizojnë format klasike me detajet të vogla. Një fustan kadife me gjatësi nën gjunjë në një ngjyrë vishnje të thellë, i stolisur me dantella delikate, sofistikon dukjen që sjell kadifeja në gardërobën e dimrit.
Fustanet e ngushtë nga materiali i gomës, me një prerje të veçantë sipër që lidhet në pjesën e pasme të qafës, vazhdojnë të jenë një favorit i përhershëm. Këto fustane shfaqin sofistikim dhe ofrojnë një siluetë të bukur, duke e bërë atë një zgjedhje të mirë për festat e dimrit.
Këtë sezon, fustanet e gomës vijnë në një shumëllojshmëri ngjyrash dhe prerjesh, duke u lejuar entuziastëve të modës të gjejnë përputhjen për stilin e tyre. Qoftë duke zgjedhur një fustan të gjatë në ndonjë ngjyrë të errët nga xhevahiret apo një fustan më të shkurtë e të thjeshtë për kokteje.
