Nigeriania thyen rekordin pasi intervistoi 90 persona për 55 orë

Një grua nigeriane theu rekord botëror për maratonën më të gjatë të intervistimit pasi intervistoi 90 persona për 55 orë e 24 sekonda.

Clara Chizoba Kronborg udhëheq një “talk show” në YouTube të quajtur “Women's World Show”. Ajo theu rekordin e mëparshëm të Rob Oliver, i cili kishte një kohë prej 37 orë, 44 minuta në 2022.

Maratona e intervistës përfshinte biseda me njerëz me prejardhje të ndryshme duke folur për mënyrën se si ata arritën sukses në fushat e tyre përkatëse si politikanë, pronarë biznesi, krijues të përmbajtjes dhe më shumë.

“Kjo përpjekje rekord kishte të bënte me bashkimin e individëve të ndryshëm, ndarjen e narrativave të tyre frymëzuese dhe krijimin e lidhjeve kuptimplota në një shkallë globale”, tha Kronborg për Librin e Rekordeve botërore “Guinnes”. “Unë jam e përkushtuar për t’i fuqizuar zërat, veçanërisht ato të grave punëtore, duke përdorur historitë e tyre për të frymëzuar të tjerët që përballen me sfida të ngjashme”.

Kronborg i kreu intervistat në një jaht në Marbella, Spanjë. Asaj i lejohej një pushim prej 5 minutash çdo orë. Sfidat me të cilat përballej përfshinin zërin i cili i ngjizej nga lodhja. Ajo gjithashtu përjetoi dhimbje në qafë dhe shpinë, përgjumje dhe “ngërçe të forta menstruale”.