Dy stjuardesa morën trajtim spitalor për thithje tymi pasi një aeroplan i Lufthansa bëri një ulje emergjente në Çikago të hënën mbrëma.
Aeroplani u detyrua të bënte ulje pas një "zjarri të vogël" nga laptopi i mbinxehur i një pasagjeri, raportoi People.
Pilotët morën vendimin për ta ulur avionin – i cili ishte nisur nga Los Anxhelos për në Frankfurt, Gjermani – në Aeroportin Ndërkombëtar O'Hare, sipas një deklarate nga linja ajrore.
“Arsyeja ishte një zjarr i vogël në kabinën e shkaktuar nga laptopi i mbinxehur i një pasagjeri. Zjarri i vogël u shua gjatë fluturimit përpara uljes së tij të sigurt. Siguria në bord nuk u cenua në asnjë moment”, thuhet në një deklaratë të Lufthansas.
Linja ajrore shtoi se stjuardesat u trajtuan në vend për thithjen e tymit dhe se asnjë pasagjer në bordin e fluturimit 457 nuk u lëndua.
