Alyse Olgetree ka gjetur një mënyrë për të bërë atë që ka dashur gjithmonë: t’i shërbejë një kauze të mirë. 36-vjeçarja nga Teksasi jep sasi rekorde të qumështit të gjirit, gjë që zyrtarët e vlerësojnë se është e mjaftueshme për të ushqyer mijëra foshnja të lindura para kohe.
Ajo ka tre fëmijë të vegjël dhe thotë se dhurimi i qumështit është mënyrë e saj për të bërë mirë, ashtu si bëjnë njerëzit kur japin para.
Olgletree ka hyrë në Librin e Rekordeve Guinness në korrik 2023 duke u bërë personi që më së shumti ka dhuruar qumësht gjiri: 2,654.58 litra.
Asaj i kishte ardhur kjo ide pasi lindi djalin e parë më 2010 dhe një infermiere i kishte thënë se mund ta dhuronte sasinë tepricë për nënat që nuk kishin qumësht gjiri.
