Meraklinjtë e kanabisit kanë arritur në Buenos Aires këtë javë për konventën e madhe të kanabisit, duke shfaqur përparimet më të fundit shkencore dhe industriale në këtë sektor. Veprimtaria përmban leksione kryesore nga specialistë, produkte të reja kanabisi dhe risi të ndryshme gastronomike dhe terapeutike.
Kanabisi, i njohur gjithashtu si marihuana, ka një shumëllojshmëri përdorimesh prej mjekësisë e deri te tekstilet dhe shijet.
Në ekspozitën e katërt vjetore të kanabisit në Argjentinë, markat, shitësit dhe njohësit u grumbulluan në qendrën e ekspozitës La Rural të Buenos Aires.
Në vitin 2022, Argjentina miratoi një ligj për të rregulluar përdorimin mjekësor të kanabisit dhe krijoi një agjenci rregullatore për të kontrolluar mënyrën se si pacientët marrin farat dhe produktet me prejardhje të marihuanës.
Drejtori dhe organizatori i ekspozitës, Sebastian Basalo, përshëndet “peizazhin e pashembullt global të kanabisit” të vendit për shkak të “bashkëpunimit midis shoqërisë civile dhe një qeverie të përgjegjshme”, duke çuar në rritje të shpejtë në industri.
Basalo thotë se ka më shumë se 160 tezga me mbi 500 marka “që përfshijnë një gamë të larmishme produktesh, nga ushqimet dhe veshjet me bazë kanabisi te artikujt, vajrat dhe kremrat mjekësore”.
Pjesëmarrësit që plotësojnë disa kërkesa blejnë gjithashtu fara dhe bimë kanabisi për kultivimin e tyre personal në shtëpi, një lëvizje e mbështetur nga Qeveria argjentinase.
“Ajo që është me të vërtetë diçka e re në një shkallë globale, është disponueshmëria e farave dhe fidanëve të ligjshëm të kanabisit. Në Expo Cannabis në Argjentinë mund të gjeni mbi 40 lloje të ndryshme të fidanëve legalë që njerëzit mund t’i blejnë dhe kultivojnë ligjërisht në shtëpitë e tyre, në përputhje me programin e iniciuar nga Qeveria argjentinase”, thotë Basalo
Për të blerë ligjërisht bimë kanabisi, individët duhet të regjistrohen në REPROCANN, një bazë të dhënash e krijuar për t’i regjistruar ata që plotësojnë kushtet për kultivimin e kontrolluar të kanabisit për qëllime mjekësore, terapeutike dhe/ose lehtësim dhimbjeje.
Sipas burimeve zyrtare, REPROCANN ka mbi 180 mijë persona të regjistruar në të gjithë Argjentinën, me 120 mijë të autorizuar për kultivimin e kanabisit.
Ministrat kanë shprehur shpresën se industria do të krijojë vende pune dhe se eksportet do të gjenerojnë të ardhura të reja për vendin e Amerikës së Jugut mes kërkesës së madhe globale.
Një mjek veterinar në panair, José Massabo, përshkruan aplikimet e ndryshme në një mjedis me kafshë. Ai thotë se me kanabis mund të trajtohet epilepsia, dhimbjet kronike, problemet e lëkurës dhe çrregullime të tjera.
Kanabidioli, ose CBD, është një substancë nga bima e kanabisit që thuhet se ofron efekte terapeutike pa i dehur përdoruesit.
Përbërësi tetrahidrokanabinol i kanabisit - i njohur zakonisht si THC - është përbërësi psikoaktiv që u jep përdoruesve një nivel të lartë.
Por ndryshe nga THC, CBD-ja zakonisht përdoret për të ndihmuar në uljen e stresit pa nivele të larta.
