Dhjetëra mijëra bletë duhej të largoheshin nga një veturë, mbi të cilën ishin vendosur në mes të një qyteti në Cheshire të Anglisë.
Siç shkroi BBC-ja, bletët “mbuluan” pjesën e jashtme dhe të brendshme të veturës, derisa në vendin e ngjarjes u ftua eksperti i bletarisë, Chris Bowyer, për t’i larguar insektet në një koshere të përkohshme, para se t’i dorëzonte në shtëpinë e tyre.
“Ishin rreth 25-30.000 bletë, por kjo është vetëm 50 përqindëshi i një koshere”, shpjegoi ai.
Bowyer shtoi se ikja e bletëve nga kosherja mund të jetë edhe si shkak i kosheres së vogël dhe këto insekte kanë nevojë “për një shtëpi të re”.
“Ato do të jenë vendosur në makinë dhe pastaj gjithnjë e më shumë, bletët filluan të tubohen”, shtoi ai.
Në raste të tilla kur bletët “ngjiten” në veturë, mbretëresha e tyre mund të ketë përfunduar brenda veturës, me ç’rast ato vrapojnë pas saj.
