Faqja e internetit “money.co.uk” ka kryer një kërkim mbi temën e mjediseve më të shëndetshme të jetesës në planet. Ndër vendet e rajonit, Sllovenia renditet e katërta.
Hulumtimi se cilat janë vendet më të shëndetshme për të jetuar është kryer në nivel global dhe janë marrë parasysh të gjithë faktorët që mund të ndikojnë në cilësinë e jetës së njerëzve, duke filluar nga pasojat e pandemisë së COVID-19, e duke përfunduar me faktorë të tjerë të përditshëm, si p.sh. si niveli i obezitetit të qytetarëve, jetëgjatësia, kostot e jetës, niveli i ndotjes apo siguria.
Në sondazhin e fundit, janë shtuar kritere të tilla si disponueshmëria e kujdesit shëndetësor dhe numri i infermierëve të shëndetit mendor, punonjësve socialë, psikiatërve dhe psikologëve në çdo vend.
Bazuar në hulumtim, vendi më i shëndetshëm është Japonia, e cila karakterizohet nga një ndërgjegjësim pozitiv kolektiv për jetën. Në vendin e dytë renditet Zvicra, e cila thuhet se ka mjedisin më të shëndetshëm për një jetë të gjatë. Kuba është në vendin e tretë.
Lista e 10 vendeve më të shëndetshme për të jetuar:
1. Japonia
2. Zvicra
3. Kuba
4. Sllovenia
5. Armenia
6. Kroacia
7. Finlanda
8. Polonia
9. Belgjika
10. Itali
