Prishtinë, 14 shtator - Sipas një matematike të thjeshtë, i bie që rreth 60 veta në ditë e vizitojnë “Ulpianën”. Kësisoj ky park arkeologjik po bëhet në njërën prej pikave kryesore turistike, sa i përket trashëgimisë kulturore. Në bazë të të dhënave që mbajnë përgjegjësit e parkut, prej janarit të këtij viti e deri në këtë muaj, mbi 15 mijë vizitorë kanë frekuentuar këtë lokalitet, 13 kilometra nga kryeqyteti, i inauguruar në fund të tetorit të vitit të kaluar si parku i parë arkeologjik.
Pavarësisht se është mirëmbajtur në detaje, “Ulpiana” përballet me problemet e vjetra. Strukturat antike vazhdojnë të qëndrojnë në tokë private, e shteti paguan qira për to. Elektrifikimi i hapësirës vazhdon të mbetet dëshirë e atyre që punojnë aty, e sa i përket planit të menaxhimit Ministria e Kulturës numëron tre muaj që ka shkelur afatin për miratimin e tij (gjerësisht, sot në “Kohën Ditore”).
Gazetën Koha Ditore mund ta lexoni edhe online. Këtu mund të gjeni sqarimin se si mund të abonoheni.
{gallery}
