-
Nga:
Elvira Berisha
- 5 tetor 2020 23:28
- Shpërndaje në:
Ledion Halitaj është vetëm 9-vjeçar, por e ka nisur mbarë rrugëtimin në muzikë.
Ai i testoi shkathtësitë e tij në një festival në Rumani, ku morën pjesë kitaristë nga 13 shtete të Evropës. Në sfidën e tij të parë doli triumfues me dy çmime.
Halitaj mori çmimin e parë të edicionin e 18-të të Festivalit Ndërkombëtar të Kitarës në Trnasilvani dhe atë të audiencës në kategorinë “Junior”.
Ledioni thotë se ëndrra e tij është që një ditë të bëhet kitarist me nam, si Petrit Çeku.
Profesori i kitarës, Erhan Mujka, thotë se e ka vërejtur menjëherë potencialin e Ledionit.
Ledion Halitaj po e zhvillon talentin e tij në shkollën e muzikës “Beethoven”.
