Artistja e performancave, Marina Abramoviq, udhëhoqi me sukses turmën në “Glastonbury”, një festival muzikor britanik që tërheq më shumë se 200 mijë njerëz rregullisht. Në shtatë minuta heshtje, një gjest që synon të shënojë një “moment të errët në historinë njerëzore”. Më pas, më vonë atë natë, një artist tjetër organizoi një performancë marifet surprizë atje: Banksy, i cili njihet më shumë për muralet dhe veprat si grafiti që janë shfaqur në rrugët e qytetit.
Në “Glastonbury”, Banksy dërgoi një gomone me fryrje në turmë gjatë një seti nga grupi britanik “Idles”. Sipas raportimeve, grupi nuk ishte në dijeni të marifetit të Banksyt derisa ndodhi.
E fundit e Banksyt ishte një gomone e fryrë që synonte të imitonte llojin që përdoret zakonisht nga emigrantët për të kaluar oqeanet. Ishte punuar asisoj që të imitonte pikërisht ato të migrantëve.
Gomonja thuhet se u shfaq gjatë këngës “Danny Nedelko”, e cila trajton në mënyrë eksplicite emigracionin dhe përfshin tekste të tilla si: “Frika të çon në panik, paniku të çon në dhimbje / Dhimbja të çon në zemërim, zemërimi të çon në urrejtje”.
Të dielën, Banksy postoi një video të gomones gjatë setit të “Idles”, duke konfirmuar efektivisht se ai e kishte bërë këtë ndërhyrje.
Artisti anonim ka bërë në të kaluarën art për emigracionin, në një moment madje ka zbukuruar një anije që përdorej për transportin e refugjatëve të shpëtuar me një nga imazhet e tij të nënshkruara, një vajzë që arrin lart drejt një tullumbaceje, kjo që i ngjan një lundrueseje jete në formë zemre.
Vepra e tij e fundit vjen ndërsa kryeministri i Mbretërisë së Bashkuar, Rishi Sunak, vazhdon të përballet me shqyrtimin e politikës së tij të imigracionit. Nëpërmjet një ligji veçanërisht të diskutueshëm, Qeveria e Sunakut planifikon të dëbojë azilkërkuesit që mbërrijnë në Mbretërinë e Bashkuar ilegalisht.
