Botimet KOHA sjell vëllimin e gjashtë të serisë monumentale “Monument VI” të autorit Artan Krasniqi.
Krasniqi ishte i ftuar sot në pjesën qendrore të emisionit Express në KTV, me ç’rast solli detajet për librin e tij më të ri të serisë monumentale që do të jetë edhe pjesë e Panairit të Librit “Prishtina 2019”.
Në “Monument VI” Krasniqi ka trajtuar monumentet shekujt e rinj në Prizren, Ferizaj e Gjilan.
Seria e shkëlqyer kushtuar trashëgimisë kulturore e historisë së Kosovës, përmbyllet me këtë vëllim që vazhdon të lexohet edhe si një roman, sepse është shkruar nga një mjeshtër i rrëfimit; sepse ka shumë personazhe, legjenda, e histori të gjalla.
Është edhe një libër për adhurues filmash, sepse ka përshkrim të pasur; për adhurues fotografish, sepse fotot janë të mahnitshme.
Por, mbi të gjitha është një libër për ata që duan ta njohin Kosovën, për ata që e duan Kosovën.
