Një veturë është futur në pompë të benzinës pasditen e së enjtes në rrugën “Ahmet Krasniqi” në Prishtinë (afër vendit të njohur si "Rrethi i Ismetit"), ku shoferja ka pësuar lëndime, ka konfirmuar Policia e Kosovës.
Në foton e siguruar nga KOHA shihet se vetura ka shkaktuar dëme të shumta.
Sipas Policisë, shoferja është dërguar për trajtim mjekësor.
Rasti po vazhdon të hetohet.
Njoftimi i Policisë:
Rreth orës 13:00, është pranuar informata për një aksident trafiku të ndodhur në rrugën Ahmet Krasniqi në Prishtinë.
Në këtë aksident është përfshirë një automjet dhe për pasojë vozitësja është lënduar dhe e njëjta është dërguar për trajtim mjekësor.
Njësia rajonale e trafikut ka dalë në vendin e ngjarjes dhe ka nisur një hetim lidhur me rrethanat e këtij vetaksidenti.
