Vdiq një 55-vjeçar në aksidentin në rrugën Mitrovicë – Prishtinë

Një 55-vjeçar me inicialet A.ZH. ka vdekur të mërkurën si pasojë e një aksidenti në rrugën nacionale Mitrovicë – Prishtinë, saktësisht në fshatin Deberllukë, ka konfirmuar Policia e Kosovës.

Sipas Policisë, në aksident kanë qenë të përfshirë një veturë dhe një kamion.

Viktima 55-vjeçar ishte shofer i veturës.

“Njësitet përkatëse policore kanë dalë në vendngjarje dhe po zhvillojnë hetimet për aksidentin”, thuhet në njoftim.