Të paktën tre persona kanë mbetur të lënduar si pasojë e një aksidenti trafiku të ndodhur të dielën në Lipjan.
Në këtë aksident janë përfshirë katër automjete, ka bërë të ditur për KOHËN, zëdhënësja e Policisë për rajonin e Prishtinës, Flora Ahmeti.
“Sot rreth orës 11:00 kemi pranuar informatën se në Lipjan ka ndodhur një aksident trafiku. Në këtë aksident kanë qenë të përfshira katër automjete. (Dy automjete në lëvizje dy të parkuara). Si pasojë e aksidentit lëndime trupore kanë pësuar tre persona”, ka thënë ajo.
Ajo tutje ka shtuar se me rastin po merret hetuesia nga njësiti i trafikut rrugor.
