Sulmi me thikë në Ferizaj, një 10-vjeçare në gjendje të rëndë

Një vajzë 10-vjeçare është në gjendje të rëndë dhe është dërguar në sallën e operimit në Emergjencë në QKUK pas sulmit me thikë në Ferizaj të hënën. 

Në sulmin me thikë janë plagosur katër persona, përfshirë dy të mitura. Është arrestuar një 59-vjeçar. 

Drejtori i Klinikës Emergjente në QKUK, Naser Syla, ka thënë se në klinikë janë sjellë tre persona për t’u trajtuar, ndërsa dy janë në gjendje stabile e një në gjendje më të rëndë. 

Ai ka thënë për KOHËN se një vajzë 10-vjeçare është dërguar në sallën e operimit në gjendje më të rëndë.