Pas të shtënave me armë zjarri në një aheng familjar në Billush të Prizrenit, Policia ka arrestuar një person dhe ka sekuestruar armë dhe municion.
I dyshuari L.S. kishte në aheng një armë të markës “Beretta APX” , dy karikatorë 21 fishekë kalibër 9X19 dhe 19 fishekë kalibër i panjohur.
Pas kontrollit në veturën e tij është gjetur edhe një çantë me: 124 fishek kalibër i panjohur, 174 fishek te ndryshëm te kalibrit dhe llojit te panjohur dhe 1 karikator i armës se gjatë AK47 i zbrazët.
Gjithashtu janë gjetur edhe 5 gëzhoja ku dyshohet se i dyshuari kishte shtënë me armën e tij, ka njoftuar Policia.
I dyshuari është ndaluar për 48 orë.
Policia ka bërë apel për mospërdorim të armëve gjatë ahengjeve.
