Kronikë

Raportohen të zhdukur një burrë në Prishtinë dhe një grua në Klinë

Policia

Foto: Ilustrim

Dy raste të personave të zhdukur janë raportuar në Polici nga 24 orët e fundit. 

Sipas Policisë njëri rast ka ndodhur në Prishtinë, ku i zhdukur është raportuar një burrë. 

Ai thuhet se është larguar nga shtëpia që nga e marta. 

“Ankuesi mashkull kosovar ka raportuar se viktima mashkull kosovar ka dalë nga shtëpia dhe nuk dihet asgjë për vendndodhjen e tij”, thuhet në raportin e Policisë. 

Ndërkohë që në Klinë është raportuar e zhdukur një grua. Ajo thuhet se ka dalë nga shtëpia që nga e hëna.

“Ankuesi mashkull kosovar ka raportuar se viktima femër kosovare është larguar nga shtëpia dhe nuk dihet asgjë për vendndodhjen e saj”, thuhet në raport. 

Të dy rastet thuhet se janë nën hetime.