Policia e Kosovës ka njoftuar se ka nisur hetimet mbi vdekjen e një 47-vjeçari në lagjen “Dardania” në kryeqytet të premten në mbrëmje.
Policia ka thënë se viktima dyshohet se ka rënë nga lartësia e një objekti.
Siç thotë njoftimi, bazuar në informacionet e para, dyshohet për vetëvrasje.
Njoftimi i plotë:
Rreth orës 20:45, kemi pranuar informatën se një person ka rënë nga lartësia e një objekti në lagjen Dardania në Prishtinë.
Policia menjëherë ka dalë në vendin e ngjarjes si dhe mjekët emergjent të cilët kanë konstatuar vdekjen e viktimës, mashkull, 47 vjeç.
Mbështetur në informacionet e para, përkundër që ka elemente që sugjerojnë për vetëvrasje, policia në koordinim me prokurorin e shtetit ka nisur një hetim mbi vdekjen si dhe po vazhdon me ndërmarrjen e të gjitha veprimeve hetimore dhe të ekzaminimit, që do të ndihmonin hetimin e ngjarjes si dhe sqarimin e plotë të rrethanave të rastit.
