Policia ka nisur hetimet për dy raste të vdekjeve të mërkurën.
Në Qendrën Kryesore të Mjekësisë Familjare në Bresje të Fushë-Kosovës, është dërguar i vdekur një person e më pas trupi është dërguar në obduksion.
“Në QKMF Bresje është sjellur pa shenja jete nga familjarët viktima mashkull kosovar. Me vendim të prokurori, trupi i pajetë i viktimës është dërguar në IML për Obduksion”, njoftoi PK-ja.
E, në rastin e dytë, në Bardhosh është gjetur i vdekur një tjetër person e edhe trupi i tij është dërguar për obduksion.
“Raportohet se viktima mashkull kosovar është gjetur pa shenja jete në dhomën e tij të fjetjes. Me vendim të prokurori, trupi i pajetë i viktimës është dërguar në IML për Obduksion”, thuhet në raportin e PK-së.
