-
Nga:
Blenard Bugari
- 9 shkurt 2021 14:08
- Shpërndaje në:
Policia e Kosovës ka bërë të ditur se janë duke e hetuar rastin ku pretendohet se kryetari i Komunës së Podujevës, Shpejtim Bulliqi, ka sulmuar fizikisht një qytetar.
Zëdhënësja e Policisë së Kosovës në rajonin e Prishtinës, Flora Ahmeti, konfirmoi për KOHËN se janë duke hetuar pretendimet e paraqitura nga denoncuesi, dhe po ndërmerren të gjitha veprimet policore në koordinim me prokurorinë e shtetit.
“Aktualisht janë duke u trajtuar pretendimet e paraqitura nga denoncuesi, dhe me qëllim të zbardhjes së plotë të të gjitha rrethanave që karakterizojnë ngjarjen veprimet policore po ndërmerren në koordinim me prokurorinë e shtetit”, thuhet në njoftimin e tyre.
Ngjarja ka ndodhur rreth orës 09:30 të ditës së sotme.
