Një person është plagosur nga arma e zjarrit të mërkurën në rrugën "Mbretëresha Teutë" në Prishtinë, ka njoftuar Policia e Kosovës.
Zëdhënësja e Policisë për rajonin e Prishtinës, Flora Ahmeti, i tha KOHËS se i lënduari është dërguar për trajtim mjekësor, derisa në vendin e ngjarjes është sekuestruar një kallashnikov dhe një armë e shkurtër.
Hetuesit policorë dhe prokurori po i kryejnë procedurat hetimore.
“Sot rreth orës 11:30 kemi pranuar informatën për një person të lënduar nga arma e zjarrit. Njësitet e nevojshme policore menjëherë kanë dalë në vendin e ngjarjes ku kanë gjetur dhe sekuestruar dy armë zjarri ( një AK -47 dhe një armë të shkurtër). Personi i lënduar ndodhet në tretman mjekësor, ndërkohë që hetuesit policor në koordinim me prokurorinë po kryejnë procedurat e nevojshme hetimore lidhur me rastin”, thuhet në njoftimin e plotë.
