Të paktën pesë persona kanë pësuar lëndime trupore si pasojë e një aksidenti trafiku të ndodhur të dielën në Gllarevë të Klinës.
Aksidenti ka ndodhur mes tri veturave dhe një traktori rreth orës 11:00, ka njoftuar për KOHËN zëdhënësi i Policisë për rajonin e Pejës, Driton Rugova.
Ai ka thënë se të lënduarit janë dërguar për trajtim mjekësor.
“Sot rreth orës 11:00, Policia është njoftuar për një aksident trafiku, i cili ka ndodhur në fshatin Gllarevë-Klinë, në këtë aksident ishin të involvuara tri vetura dhe një traktor dhe si pasojë e aksidentit pesë persona kanë pësuar lëndime trupore, të njëjtit janë dërguar ne QKMF-Klinë për tretman mjekësor”, ka thënë ai.
