Një person është gjetur pa shenja jete të hënën në Çarshinë e Gjatë në Pejë.
Zëdhënësi i Policisë për rajonin e Pejës, Fadil Gashi, ka thënë për KOHËN se viktima është gjetur i shtrirë.
Sipas tij, vdekjen e viktimës e ka konstatuar mjeku kujdestar ndërsa rasti po hetohet.
“Policia rreth orës 07:25 është informuar se në Çarshinë e Gjatë në Pejë një person është i shtrirë. Në vendin e ngjarjes kanë dalë njësitë kompetente ndërsa mjeku kujdestar e ka konstatuar vdekjen e viktimës. Rasti po hetohet”, ka thënë Gashi.
