Një foshnjë ka vdekur në rrethana ende të panjohura teksa ishte në gjumë në Skenderaj të martën.
Sipas raportit 24-orësh të Policisë së Kosovës, në vendin e ngjarjes kanë dalë njësitë relevante policore dhe ekipi mjekësor, ku mjeku kujdestar ka konstatuar vdekjen e foshnjës.
Me urdhër të prokurorit, trupi i pajetë është dërguar në Institutin e Mjekësisë Ligjore (IML) për obduksion, në mënyrë që të zbardhen shkaqet e vdekjes.
Hetimet lidhur me rastin po vazhdojnë nga autoritetet kompetente.
