Dogana e Kosovës ka njoftuar se ka parandaluar kontrabandimin e disa kamerave në pikëkalimin kufitar në Vërmicë.
Kamerat thuhet se kanë qenë të fshehura në pjesët e pasme të ulëseve në një veturë.
“Një tentim për kontrabandë është parandaluar nga kontrolli doganor në pikë kalimin kufitar të Vërmicës. Gjatë kontrollit të një automjeti, u zbuluan mallra të padeklaruar të fshehura në pjesët e pasme të ulëseve të vozitësit dhe pasagjerit. Këto mallra nuk ishin të dukshme pa u larguar ulëset e përparme të veturës”, thuhet në njoftimin e Doganës.
Kamerat e zbuluara thuhet se janë konfiskuar dhe ndaj personit përgjegjës është iniciuar procedura për kundërvajtje.
