Është arrestuar një person me probleme psikike në Prishtinë, në lagjen Ulpiana, mbrëmë, pasi kishte tentuar ta sulmojë me shufër metali dhe me thikë një person tjetër.
“Është arrestuar i dyshuari mashkull kosovar i cili për motive të panjohura me një shufër metali dhe një mjet të mprehtë thikë kishte tentuar ta godasë viktimën mashkull kosovar. Në vendin e ngjarjes njësiti policor ka gjete dhe sekuestruar një shufër metali dhe një thikë të cilat dyshohet se ishin përdor në rast nga i dyshuari. I dyshuari për shkak të problemeve shëndetësore psikike fillimisht është dërguar në repartin e psikiatrisë, pas kontrollit mjekësor me vendim të prokurorit është dërguar në mbajtje. Rasti vazhdon të hetohet”, thuhet në raportin 24-orësh të Policisë së Kosovës.
