Një 44-vjeçar është ndaluar për 48 orë pas të shtënave me armë në një aheng familjar në Ferizaj të hënën në mbrëmje.
Policia në vend të ngjarjes ka gjetur armën e zjarrit me të iclën dyshohet se A.B. ka shtënë në ajër gjatë ahengut.
“I dyshuari A.B është shoqëruar në stacionin e policisë në Ferizaj dhe pas intervistimit nga policët hetues, me vendim të prokurorit kujdestar nga Prokuroria Themelore në Ferizaj është ndaluar në mbajtje për 48 orë për procedura tjera hetimore, ndërsa si provë materiale është sekuestruar arma e zjarrit ( pistoletë)”, thuhet në njoftim të Policisë.
Rasti është iniciuar si “Përdorim i armës apo mjetit të rrezikshëm” dhe “Mbajtje në kontroll ose posedim i paautorizuar i armës”.
