Konfiskohen mbi 2 mijë kilogramë duhan në Zubin Potok

Policia e Kosovës ka bërë të ditur se janë konfiskuar të hënën mbi 2000 kilogramë duhan në fshatin Ulgare, të Zubin-Potokut.

Zëvendësdrejtori i Policisë për rajonin e veriut, Veton Elshani, ka thënë se duhani i konfiskuar është dërguar në Doganë për procedura të mëtutjeshme.

Nuk ka të arrestuar.

“Rreth orës 15:00 janë konfiskuar mbi 2000 kg duhan në fshatin Uglare, komuna e Zubin Potokut. Duhani i konfiskuar nga Policia e Kosovës, rajoni i veriut, tashmë është dërguar në Doganë për t’iu proceduar mëtutje. Rastin e ka marrë Dogana, nuk ka persona të arrestuar”, ka thënë Elshani.