Njësitë policore kanë ndaluar një automjet me targa të Serbisë në zonën kufitare Dobrosin-Stublinë, pasi katër shtetas serbë, dy meshkuj dhe dy femra, kishin kaluar ilegalisht kufirin në territorin e Kosovës.
Pas ndalimit, policia ka njoftuar prokurorin e shtetit, ndërsa rasti do të trajtohet në procedurë të rregullt.
Nuk dihen ende motivet e hyrjes ilegale në Kosovë, ndërsa autoritetet po vijojnë hetimet për të zbardhur rrethanat e ngjarjes.
