Policia e Kosovës ka nisur hetim për një vdekje të dyshimtë në Fushë-Kosovë.
Në raportin 24-orësh të PK-së thuhet se më 26 nëntor personit i ishte dhënë ndihma e parë në rrugë dhe është dërguar në QKMF. E, pasi ishte kontrolluar te mjeku, kishte vdekur.
Trupi i viktimës është dërguar për obduksion.
“Lidhur me rastin personi i cili ishte hasur në rrugë, pas dhënies së ndihmës së parë është dërguar në QKMF. Pasi i është bërë kontrolli nga mjeku personi në fjalë ka ndërruar jetë. Me vendim të prokurorit trupi i pajetë është dërguar në IML për obduksion. Rasti është duke u hetuar”, thuhet në raport.
