Goditi një këmbësore në Prizren, ngasësi iku nga vendi i ngjarjes [video]

Të premten rreth orës 20:00 është shkaktuar një aksident trafiku në Komunën e Prizrenit.

Vozitësi i veturës e ka goditur një këmbësore në rrugën “Wesli Klark” dhe nuk është ndaluar për t’i dhënë ndihmën e parë. KOHA ka siguruar pamje të këtij aksidenti ku shihet këmbësorja e shtrirë në vend të ngjarjes.

Rastin ia ka konfirmuar KOHËS edhe Policia e Kosovës ku thonë se i dyshuari më pas është identifikuar.

“Pas disa hetimeve operative, organet policore kanë arritur ta identifikojnë të dyshuarin mashkull dhe i njëjti është ndaluar për 48 orë”, kanë thënë nga Policia.

Gruaja, e lindur në vitin 1994, është duke u trajtuar në Spitalin e Prizrenit dhe ndodhet jashtë rrezikut për jetë.