Një grua e moshës 56-vjeçare është gjetur e pajetë mëngjesin e të enjtes në Liqenin Akumulues në Mitrovicë.
Zëdhënësi i Policisë në Mitrovicë, Avni Zahiti, ka njoftuar se kanë pranuar informatë rreth orës 7:30 të mëngjesit, se në Liqenin Akumulues është gjetur një person pa shenja jete.
“Sot rreth orës 07:30 policia ka pranuar informatën, se në zonën e Liqenit Akumulues të lumit Ibër është gjetur trupi i pa jetë i viktimës femër rreth 56-vjeçare”, tha Zahiti, raporton “KOHA".
Me urdhër të prokurorit, trupi i pa jetë është dërguar në Institutin e Mjekësisë Ligjore për obduksion.
Rasti është cilësuar si “vdekje e dyshimtë”.
