Një shtetas i huaj është gjetur i vdekur të shtunën në fshatin Vërmicë në Prizren.
Policia ka njoftuar se pranë trupit të pajetë është gjetur dhe sekuestruar një pistoletë me gjashtë copë fishekë, disa gëzhoja dhe një telefon.
Gjatë patrullimit njësitë policore kanë hasur edhe në një shtetas të huaj që dyshimet se ka pësuar lëndime trupore nga të shtënat me armë zjarri.
I lënduari është dërguar për trajtim mjekësor në spitalin e Prizrenit.
Ndërkaq, me vendim të prokurorit, trupi i pajetë i viktimës është dërguar në Institutin e Mjekësisë Ligjore për obduksion.
