Një person pa shenja jete është gjetur në shtëpinë e tij në fshatin Demiraj në Gjilan pasditen e së mërkurës.
Trupi është dërguar për obduksion, ndërsa Policia po punon për sqarimin e rrethanave të rastit.
Rasti është iniciuar si “hetim i vdekjes” nga Prokurori i Shtetit.
“Njësitet policore së bashku me ekipin e emergjencës nga Spitali Rajonal i Gjilanit kanë dalë në vendin e ngjarjes ku nga mjeku kujdestar është konstatuar se personi mashkull kosovar i vitit të lindjes 1962 është pa shenja jete. Me vendim të Prokurorit të Shtetit trupi i pajetë është dërguar në Institutin e Mjekësisë Ligjore për obduksion, ndërsa po punohet në sqarim të rrethanave të rastit nga hetues rajonal të policisë në Gjilan”, njoftoi Policia.
