Dy persona kanë pësuar lëndime trupore si pasojë e një aksidenti në mes të një veturës dhe trenit në Prishtinë, në mëngjesin e së dielës.
Siç ka njoftuar Policia e Kosovës, rasti ka ndodhur në rrugën “Ramiz Cërnica” rreth orës 7 e 30 të mëngjesit.
Flora Ahmeti, zëdhënëse e Policisë në rajonin e Prishtinës, ka thënë për KOHËN se në vend të ngjarjes kanë dalë njësia e hetimeve të trafikut rrugor dhe përgjegjësit për aksidente hekurudhore, të cilët kanë kryer ekzaminimet dhe shikimin e vendit të ngjarjes.
