Të paktën dy persona kanë mbetur të lënduar si pasojë e një aksidenti trafiku të ndodhur gjatë pasdites të së enjtes në rrugën Prishtinë – Fushë-Kosovë.
Zëdhënësja e Policisë, Flora Ahmeti, ka thënë për KOHËN se në këtë aksident janë përfshirë tri automjete.
“Sot rreth orës 16:40, në rrugën Prishtinë – Fushë-Kosovë, ka ndodhur një aksident trafiku, ku janë përfshirë tri automjete. Bazuar në të dhënat e deritanishme si pasojë e aksidentit janë lënduar dy persona”, ka thënë ajo.
Në pamjet e publikuara nga KOHA shihet e rrokullisur një prej veturave të përfshira në këtë aksident.
Me rastin thuhet se po merret njësiti i trafikut.
