Zyra e Kryeprokurorit të Shtetit ka njoftuar se pas një bashkëpunim ndërmjet Prokurorisë Speciale të Kosovës dhe autoriteteve suedeze në luftimin e trafikimit të narkotikëve dhe shpëlarjes së parave një person është arrestuar në Suedi.
Sipas njoftimit, si rezultat i veprimeve hetimore të ndërmarra nga Prokuroria Speciale e Kosovës, është arrestuar personi me inicialet A.G., ndërsa atij i janë konfiskuar pasuritë e fituara përmes veprimtarive kriminale.
Sipas Zyrës së Kryeprokurorit të Shtetit, rasti përbën precedentin e parë kur autoritetet suedeze kanë arritur të sekuestrojnë pasuri jashtë juridiksionit të tyre territorial.
Tutje, bëhet e ditur se Zyra për Rikthimin e Aseteve, e cila funksionon në kuadër të Zyrës së Kryeprokurorit të Shtetit, në bashkëpunim me autoritetet suedeze, do të ndërmarrë hapat e mëtejmë për ekzekutimin përfundimtar të vendimit për konfiskimin e pasurive në Kosovë.
Në njoftim theksohet se ky rast dëshmon rëndësinë e bashkëpunimit juridik ndërkombëtar, veçanërisht në identifikimin dhe konfiskimin e pasurive të përfituara nga aktivitetet kriminale, pavarësisht se ku ndodhen ato.
Në njoftim nuk është bërë e ditur lidhja e personit të arrestuar me shtetin e Kosovës.
-
Konfiskohen asete në vlerë prej 1 milion eurosh në hetimin për pastrim parash nga trafikimi i drogës
-
Ekstradohen dy persona, njëri në Kosovë për narkotikë e tjetri për në Suedi për dhunim
-
Arrestohet një person, dyshohet se përfitoi para duke mashtruar qytetarë në Kosovë e Gjermani
-
Hetimi ndërkombëtar për shpëlarje të parave përfshin edhe Kosovën, një i dyshuar
-
Shtetasi suedez që u arrestua në Prishtinë dyshohet se ishte drejtues i një grupi kriminal