Një person është arrestuar në Prizren nën dyshimin se ka keqpërdorur pozitën zyrtare gjatë periudhës 2017-2019.
Në raportin e Policisë, të martën është thënë se i dyshuari para rreth tetë vjetësh, pati përvetësuar në mënyrë të kundërligjshme para në vlerë prej mbi 150 mijë euro.
Rasti është regjistruar të ketë ndodhur nga 1 janari i 2017-s.
“Është arrestuar i dyshuari mashkull kosovar për shkak se i njëjti gjatë periudhës 2017-2019 kishte përvetësuar në mënyrë të kundërligjshme para në shumë të përgjithshme prej 150 660.61€”, thuhet në njoftim.
Me urdhër të prokurorit, i dyshuari është dërguar në mbajtje.
