Arrestohet i dyshuari që detyroi një burrë t’i jepte 50 mijë euro

Policia e Kosovës ka arrestuar një person të dyshuar D.S. në Gjilan, pasi ai kishte kanosur një burrë F.S. dhe e kishte detyruar t’i jepte rreth 50 mijë euro në një periudhë gati njëvjeçare. 

Sipas autoriteteve, periudha e veprimeve të dyshuara shtrihet nga 29 maj 2024 deri më 26 mars 2025.

Pas denoncimit dhe hetimeve nga policia, i dyshuari është arrestuar dhe është marrë në pyetje nga organet e drejtësisë.

Me vendim të prokurorit, pas intervistimit, ai është dërguar në mbajtje.