Prokuroria Themelore në Prishtinë ka ngritur aktakuzë ndaj dy pronarëve të kompanive të përfshira në përpjekjen për të përfituar në mënyrë të kundërligjshme shumën rreth 2.8 milionë euro nga rimbursimi i TVSH-së, përmes faturave fiktive.
Kjo u bë e ditur nga Administrata Tatimore e Kosovës, e cila ka thënë se me këtë vendim, gjithashtu janë pushuar hetimet ndaj 13 zyrtarëve të ATK-së.
Sipas ATK-së, përfshirja në këtë skemë mashtrimi mund të ketë qenë më e gjerë, megjithatë është arritur të parandalohet dëm financiar rreth 2.8 milionë euro ndaj buxhetit të shtetit.
“Edhe pse ATK-ja vlerëson se përfshirja në këtë skemë mashtrimi mund të ketë qenë më e gjerë se dy personat e akuzuar, ky aktvendim konfirmon se ATK ka arritur të parandalojë një dëm financiar rreth 2.8 milionë euro ndaj buxhetit të Republikës së Kosovës”, thuhet në njoftim.
