Tmerr që nuk mund të përshkruhet me fjalë. Kështu mund të konsiderohet aksidenti i ndodhur rreth orës 15:00 në Papër, në aksin rrugor Elbasan-Peqin.
4 persona kanë vdekur dhe dy të tjerë janë plagosur si pasojë e një aksidenti tragjik ku u përfshinë 3 automjete.
Aq e rëndë ka qenë përplasja saqë është dashur ndërhyrja e zjarrfikëses për të bërë të mundur nxjerrjen e të aksidentuarve nga mjeti.
Fillimisht gjeti vdekjen rrugës për në spital një vajzë 25 vjeçe, më pas është konfirmuar edhe vdekja e 3 të tjerëve.
Të gjithë viktimat kanë qenë brenda në makinën e drejtuar nga shtetasi me iniciale G.K (edhe ai i vdekur).
Dy mjetet e tjera drejtoheshin nga shtetasit me iniciale O.Sh dhe E.R, të dy të plagosur por jashtë rrezikut.
