Ujëvara atraktive që po i sjell vizita fshatit të Hanit të Elezit

“JETA” në KTV në edicionin e ri sjell atraksionin e veçantë të ujëvarës së Skallavacit që ndodhet në fshatin Dërmjak të Hanit të Elezit.

Klube të ndryshme hikingu janë bërë vizitorë të rregullt të këtij atraksioni.

Vendësit e paktë të mbetur në këtë fshat drejtuan ekipin e emisionit “JETA” për te kjo ujëvarë që ndodhet në thellësi të këtij vendbanimi.

Me një ecje prej rreth 20 minutash arrihet te ujëvara atraktive siç e quajnë banorët.

Sejdi Curri është banori që nuk është larguar asnjëherë nga fshati i tij.

Ai i gjendet pranë çdo vizitori që dëshiron ta vizitojë këtë vend, por shkuarja deri atje përcillet edhe nga ekipi e “The Halo Trust”, e cila bën deminimin e zonës.

Kjo zonë në disa pjesë ka të vendosura sinjalizimin për rrezik nga minat.

Salih Ceka, përfaqësues i kësaj organizate, thekson se ekipit i kanë mbetur rreth dy muaj për ta bërë plotësisht pastrimin nga minat në këtë vendbanim.

Dërmjaku ndryshe njihet si një nga fshatrat më të vjetra në Komunën e Hanit të Elezit, ku jetojnë dy familje.