Netflixi ka shtuar video-lojën e famshme, Minesweeper, në koleksionin e lojërave të disponueshme për abonentët për Android dhe iOS.
Loja klasike daton që nga viti 1990. Tani ajo ka grafika të reja, shumëngjyrëshe dhe disa mënyra të reja të lojës.
Versioni i Netflixit shton një “Journey Mode” që i çon lojtarët në nivele të ndryshme në mbarë botën, si dhe sfida unike të përditshme.
Netflixi shpreson që Minesweeper do të tërheqë lojtarë të shumtë pasi s’ka reklama dhe blerje në lojë.
Kompania e filmave ka futur disa video-lojëra në aplikacion qe një kohë të gjatë, përfshirë “GTA: San Andreas”, “Football Manager” e të tjera.
