Kompania e mediave online të Donald Trumpit, Truth Social, është në bisedime për të blerë firmën e tregtimit të kriptovalutave Bakkt, ka raportuar Financial Times.
Aksionet e Bakkt janë rritur për gati 66 për qind në trgtim pasditen e së hënës, derisa në rritje ka ndikuar edhe fitorja e Donald Trumpit në zgjedhjet presidenciale.
Një marrëveshje e tillë do të ndihmonte në konsolidimin e përfshirjes së Trumpit në një industri që ai e kishte mbrojtur gjatë fushatës.
Trump ka nisur gjithashtu një sipërmarrje të re kripto, World Liberty Financial.
